Një spot ku shfaqen disa punëtorë të huaj në Shqipëri, të cilët apelojnë te bashkëkombasit e tyre për të ardhur e për të punuar si ata, ka hapur shumë debate në rrjetet sociale dhe jo vetëm.

Teksa spoti në fjalë vjen pak ditë pas ndryshimeve të propozuara nga mazhoranca socialiste për ligjin për të huajt, shihet nga disa qytetarë si një plan i mirëmenduar i qeverisë

Rama për shpopullimin e vendit dhe ‘mbushjes’ së tij me punëtorë nga qytetarë të vendeve të tjera.

Pak ditë pas tërmetit tragjik të 26 nëntorit, kryeministri Edi Rama teksa fliste për nisjen e punës për ndërtimin e lagjeve të reja të banimit për banorët e prekur, vuri theksin tek një problem që lidhet me mungesën e fuqisë punëtore. 

Sipas tij, në këto kushte, pasi duhen mijëra punëtorë kantineri, do të duhet të bëjnë kërkesa nga jashtë.

Spoti i punëtorëve të sipërpërmendur, i publikuar në Facebook nga "Europe Agency", kompani e rekrutimit të punëtorëve, është rastësi apo pjesë e një plani të paramenduar të qeverisë? Kjo mbetet për t'u parë…