Botuesi dhe pronari i UET-së, Henri Çili ka mohuar akuzat para gjykatës së Përmetit ku mesditën e sotme u fut me pranga në duar pas arrestimit për gjashtë akuza.
Sipas asaj që raporton Report TV, Çili është shprehur para gjyqtarit Dritan Hasani se "Arrestimi im është pa prova".
Henri Çili është mbrojtur nga avokati Andi Duraj, ndërsa mbrojtja e tij në gjykatë ka zgjatur vetëm 35 minuta.
Ndërsa biznesmeni Sait Fishta që u arrestua në kuadër të operacionit që çoi në pranga edhe Henri Çilin nuk ka dalë sot para gjykatës së Përmetit, pasi është shtruar në spital në Tiranë për arsye shëndetësore.
Mësohet se Fishtës do i komunikohet masa e sigurisë nesër në spital.
