Ministria e Jashtme e Republikës së Shqipërisë ka dalë me një njoftim të rëndësishëm sa i përket shqiptarëve që kanë ‘ngecur’ në Suedi dhe Slloveni për shkak të mbylljes së kufijve nga Shqipëria dhe nga BE për koronavirusin.
Për qytetarët në Suedi, Ministria e Jashtme shpjegon se shqiptarët duhet që të aplikojnë për zgjatje të afatit të qëndrimit por pa skaduar afati 90 ditor aktual.
Kurse për qytetarët shqiptarë në Slloveni nuk do të llogaritet brenda 90 ditëshit të qëndrimit që paracaktohet në rregullat e zonës Shengen.
NJOFTIMI I MINISTRISË SË JASHTME
‼️Njoftim për qytetarët shqiptarë që ndodhen në Suedi dhe në Slloveni
🔴Të gjithë personat që janë në gjëndje të provojnë se nuk kanë pasur mundësi të lenë Suedinë për shkak të anullimit të fluturimit, ose shkaqe të tjera, mund të aplikojnë për zgjatje afatit të qëndrimit, me kusht që ky afat të mos i kalojë 90 ditët.
🔴Nëse qëndrimi në zonën Schengen do t’i kalojë 90 ditët, duhet të aplikojnë për një VIZË Vizitori.
❗️Aplikimi duhet të kryhet para se të skadojë afati i qëndrimit të deritanishëm.
🔴 Aplikimi bëhet duke ndjekur udhezimet në linkun e mëposhtëm të Portalit Diplomatik;
https://ëëë.government.se/…/ministry-fo…/diplomatic-portal/
🔴 Njoftojmë të gjithë qytetarët shqiptarë të cilët ndodhen në Slloveni, se koha e qëndrimit të tyre në këtë vend, në këtë situatë të jashtëzakonshme, nuk do të llogaritet brenda 90 ditëshit të qëndrimit të lejuar në zonën Schengen.
Bashkë kundër këtij armiku 🦠, do t’ja dalim!
