Shumë portale në botë dhe Shqipëri janë të mbushura me lajme që flasin për vaksinën e koronavirusit që do jetë gati së shpejti. Por sa afër jemi me të vërtetë?
Nga James Gallagher, BBC
Kërkimet për vaksinën po zhvillohen me shpejtësi skëterrë.
Janë më shumë se 20 vaksina në zhvillim. Një prej tyre ka nisur testimet te njerëzit, duke shmangur në mënyrë të pazakontë fazën e testimit te kafshët për të parë sigurinë dhe efektshmërinë e vaksinës.
Të tjerë shkencëtarë janë në fazën e testimeve te kafshët dhe shpresojnë se do marrin rezultatet nga fundi i vitit.
Por edhte nëse shkencëtarët do të festojnë prodhimin e një vaksine këtë vit, sërish duhet një punë gjigande për ta prodhuar në masë atë.
Kjo do të thotë se në mënyrë realiste, vaksina nuk do jetë gati të paktën deri në mes të vitit që vjen.
E gjitha kjo po ndodh në një afat kohor të paprecedent dhe duke përdorur qasje të reja ndaj vaksinave, kështu që nuk ka asnjë garanci se gjithçka do të shkojë mirë.
Mos harroni se janë katër koronavirusë në qarkullim prej kohësh te qeniet njerëzore. Ato shkaktojnë të ftohurën e zakonshme dhe ne nuk kemi vaksinë për asnjë prej tyre.