Gjatë ditës së sotme, nëpërmjet një njoftimi, OKB tha se prej nisjes së pandemisë, në shumë vende thirrjet për ndihmë ndaj dhunës në familje janë dyfishuar.
Antonio Guterres, sekretari i përgjithshëm I OKB-së tha: “Për shumë gra e vajza kërcënimi i dhunës ndjehet dhe aty ku ato supozohet të jenë më të sigurta, në shtëpitë e tyre. Ju bëj thirrje sot për paqe në shtëpi, në shtëpitë e të gjithë botës”.
Në të njëjtën kohë Guteres shtoi se dhënësit e ndihmës për dhunën në famije janë të tejmbushur dhe me staf të pakët, prandaj kërkohet organizimi i grupeve lokale të mbështetjes dhe të strehave të dhunës në familje.
“I bej thirrje të gjitha qeverive të bëjnë pjesë të planit të tyre të mbrojtjes nga pandemia, dhe faktorin e parandalimit dhe dëmshpërblimit të dhunës ndaj grave”, tha ai, duke kërkuar krijimin e rrugëve të ndihmës për gratë, pa vënë në dijeni abuzuesit e tyre, ose të krijimti të sistemeve të veçanta që këto gra të kenë akses në farmacitë ose dyqanet e ushqimit.
Sipas raportimeve të medias raportimet në shërbimet online për dhunën shtëpiake janë shtuar në të gjitha vendet e globit duke nisur nga Kina, SHBA, India e të tjera.
Australia ka raportuar një rritje prej 75% të kërkesës së ndihmës online ndërsa një ministër francez tha se rastet e dhunës shtëpiake ishin rritur më 32% që prej nisjes së krizës së epidemisë.
