Tri ditë më parë një punonjës policie duke ecur me shpejtësi të lartë ka aksidentuar një fëmijë 8 vjeçar.
Ngjarja e cila ka ndodhur në Paskuqan, para derës së shtëpisë së fëmijës së aksidentuar, është e mbajtur e fshehur nga policia.

Punonjësi i policisë, T, Gj, u shoqërua vetëm sot në komisariat.
Por sikur të mos mjaftonte ky fakt, punonjësi i policisë është lënë i lirë sot.

Ndërsa fëmija K.B ndodhet në spital në gjendje të rëndë në Spitalin Ushtarak dhe po lufton me vdekjen. Mësohet se polici do të procedohet penalisht për shkelje të rregullave të qarkullimit rrugor.

Ngjarja u bë publike vetëm pas denoncimit në mediat online nga qytetarët.