Ish-kryeministri Berisha ka folur në emisionin ‘Çim Peka Live’ në Syri Tv edhe për tenderat korruptivë që krijon qeveria Rama, ndërkohë që e ka cilësuar regjim policesk mënyrën se si Rama po mbyll shqiptarët.

‘Unë jam për karantinë. Por shiko se çfarë ndodh. Këtu nuk përdoret maska, po mbyllja. Ky është krim. Çdo njeri që ka nevojë të dalë me maskë dhe të ruajë distancën sociale, ka një rrezik fare minimal.

Këtu që në krye të herës u mallkua maska. E kam thënë dhjetra herë që më datë 7 shkurt dhe sot e kësaj dite si në asnjë vend tjetër, maska nuk ekziston. E përdori Edi Rama për të vjedhur me ndrikullën e Shëndetësisë,

U paraqitën dokumente me maska që shiten 240 lekë apo 300 lekë në farmaci, që blihen nga Edi Rama dhe zëdhënesja e tij në një kompani private me shumicë me 8 mijë lekë.

Një lukuni që ndan para mbi të sëmurët.

Dhe masat për popullatën, në çdo vend të botës janë kthyer në kryesorja, maskë dhe teste. Ky ka zgjedhur formën policeske të trajtimit të epidemisë, më ç’njerëzore, por kjo nuk mbron.