Edhe ne Shkodër janë instaluar dy tunele dezinfektues në hyrje të tregjeve për të siguruar më shumë mbrojtje për tregtarët dhe për klientët e këtyre ambienteve.

“Rritja e sigurisë së shëndetit dhe mbrojtjes së tregtarëve dhe qytetarëve në tregjet e Shkodrës, është në vëmendjen e qeverisjes vendore”, thuhet në një njoftim në facebook të Bashkisë Shkodër.

“Bashkia e Shkodrës po siguron investimet e duhura për këtë qëllim në: Tregun e shumicës fruta- perime në Dobraç në administrim të Ministrisë së Ekonimisë; në Merkaton e Rusit dhe në vijim, në tregun e Zdrales”.

“Nga të gjithë, tregtarë e qytetarë, kërkohet respektimi i udhëzimeve të Ministrisë së Shendetësisë dhe Mbrojtjes Sociale, për zbatimin e rekomandimeve ndaj subjekteve të biznesit”, thuhet në njoftim.

Më poshtë pamjet gjatë vendosjes së tuneleve dezinfektues në dy tregjet ne Shkodër.