Sot është ndarë nga jeta Kostaq Xoxa, një publicist i njohur për penën e tij të veçantë gjatë këtyre 30 viteve. Pjesen me te madhe te viteve ka bashkepunuar me gazeten "55" duke spikatur dukshem me talentin e tij. Kostaqi kishte nje pene qe lexuesi e admironte, ai ishte mjaft punetore dhe karakterizohej dhe nga energjia dhe humori sikur te ishte nje i ri.
Lajmin e trishtë për ndarjen nga jeta të Xoxas e ka bërë me dije historiani Kastriot Dervishi. Në postimin e tij Dervishi shkruan se Xoxa që në moshë të vogël përjetoi vdekjen e vëllait, internimin dhe burgosjen e babait.
“Lamtumirë Kostaq Xoxa! Që prej ditës së sotme nuk është më midis nesh një prej penave më interesante të këtyre 30 vjetëve, publicisti krejt i veçantë në llojin e vet, eruditi Kostaq Zoi Xoxa (1931-2020).
Qysh në moshë të vogël përjetoi vdekjen e vëllait, internimin dhe burgosjen e babait.
Përjetësisht antikomunist i vendosur, i qartë dhe i lexuar, Kostaqi ka qenë për mua modeli i njeriut shembullor, te i cili kishe gjithmonë çfarë të mësoje. Do na mungosh, Koçi! (Foto e datës 5.4.2019)”, shkruan Dervishi.
