Nga Paulin Z. Zefi-
Kulti i nderimit të “Shën Nikollit” ndër shqiptarë dhe sidomos tek disa malësorë gegë, është aq i fuqishëm saqë në shumë raste dëshmohet se të parët tanë i drejtoheshin për ndihmë “Jezu Krishtit”, por nganjëherë edhe vetë “Zotit”, duke ju lutur atyre, që të ndërhynin pranë “Shën Nikollit”, në mënyrë që ky i fundit t’u plotësonte dëshirat dhe t’u jepte zgjidhje halleve të tyre!
■ Kulti i nderimit të këtij shenjtori të madh ndër shqiptarë, dëshmohet edhe nga numri i madh i Kishave Katolike dhe Ortodokse kushtuar atij, nga emrat e njerëzve, toponimet e shumta dhe nga rëndësia specifike që i kushtojmë ditës së tij, duke e festuar të gjithë së bashku, të krishterë dhe myslimanë. Po ashtu, disa fise të Malësisë dhe disa Famulli Katolike e kanë atë si Pajtor të vetin…
Ndërsa gazetarja e njohur e ekranit Juli Krisafi shkruan:
Mbrëmë ishte një natë e rëndësishme për të krishterët. Nderohet Shën Nikolla i Myrës. Shën Kolli është një nga shenjtorët më të dashur për të krishterët dhe është aq popullor saqë ka frymëzuar edhe Babagjyshin ose Santa Klausin.