Ndonëse tubimet konsiderohen të paligjshme si pasojë e masave anti-Covid një tjetër protestë pritet të zhvillohet sot në orën 16:00 në kryeqytet pas vrasjes së të riut Klodian Rasha, i cili dy ditë më parë theu orën policore dhe nuk iu bind urdhrit të policit për të ndalur, veprim që e pagoi me jetën e tij.

Irritimi dhe zemërimi qytetar për ngjarjen në fjalë u zbraz mbi institucionet e vendit, ku qindra të rinj që dolën në protestë nuk kursyen asgjë.

Ata sulmuan dyert e dritaret e ministrisë së Brendshme fillimisht, për të vijuar me Kryeministrinë, e sheshin “Skënderbej”. Pas ngjarjes mbetën të plagosën 16 policë, njëri prej tyre në gjendje më të rëndë, pasi rrezikon të humbasë njërin sy.

Policia ka reaguar mëngjesin e sotëm duke arrestuar tre persona e proceduar 7 të tjerë, mes tyre edhe reperin Stresi, por këto masa dhe paralajmërimet policore duket se nuk do i ndalin protestuesit. Gazetarja Dorjana Bezat raportoi sot për “BalkanWeb” se është paralajmëruar një tjetër tubim ditën e sotme që nis në orën 16:00.