Falimentimi dhe zhdukja pa lënë gjurmë e kompanisë së tregtimit të karburanteve “Gulf”, përveç dëmit që ka sjellë për lë prekurit ka shtruar një sërë problemesh. “Gulf” nisi aktivitetin pikërisht në fillimet e qeverisë socialiste.

Erdhi me premtime të mëdha dhe zuri një vend jo të vogël në tregun e tregtimeve të karburanteve. “Gulf” si “rilindje” e tregtimit të karburanteve u tregua i zgjuar duke operuar vetëm në objekte të marra me qira. E vetmja pronë e “Gulf”-it ishte karburanti që shitej menjëherë.

Tanimë kur “Gulf” na ka lënë shëndenë pyetja që shtrohet është se cili ishte roli i kryeministrit Edi Rama në këtë mes kur dihet se kur është punë parash ky i fundit nuk të fal.

Përveç pjesës që Rama ka si zot i pushtetit, ministri më i interesuar poshtë tij është ai i Financave.

Kjo fushë është tejet e madhe në një sërë taksash që kanë karburantet. Ministria e Financave ka humbur një sërë të ardhurash nga falimentimi i “Gulf”-it. Sigurisht deri më sot, nuk kemi parë asnjë reagim të ministrit të Financave Arben Ahmetaj.

Po kaq me probleme është edhe pozicionimi i Besnik Sulajt në këtë punë kur dihet lidhja e tij me fushën e naftës. Kjo lidhje sërish çon te Edi Rama.

“Gulf” pra nuk duhet parë si dukuri pa emrat e sipërpërmendur. Sado që përpiqen t’i shmangin, ata janë thelbi i falimentimin apo më saktë i skemës së mashtrimit me emrin “Gulf”, lindur dhe zhvilluar në qeverisjen e Partisë Socialiste.