Një aksident i rëndë ka ndodhur sot në aksin rrugor Elbasan-Librazhd, në fshatin Mengël, ku dy automjete janë përplasur dhe për pasojë janë plagosur dy persona.
Burime nga policia bëjnë me dije se automjeti tip ‘Audi’ me targa AA 335 KK me drejtues 34-vjeçarin me inicialet A. H., banues në Pogradec është përplasur me mjetin tip ‘Volkswagen Golf’ me targa AA 395 SP, me drejtues mjeti 62-vjeçarin me inicialet H. D., banues në Tiranë.
Si pasojë e përplasjes janë dëmtuar 66-vjeçarja me inicialet V. V., banuese në Tirane dhe 58-vjeçari me inicialet J. D., banues po në Tiranë, pasagjerë të mjeti Golf.
Të dy të dëmtuarit janë transportuar për në spitalin e Elbasanit dhe janë jashtë rrezikut për jetën.
Grupi hetimor po kryen veprimet në vendngjarje për të përcaktuar shkakun e aksidentit, ku paraprakisht dyshohet për manovër të gabuar nga ana e automjetit tip Volkswagen.
