Deputeti i LSI Përparim Spahiu nëpërmjet një satusi në “Facebook” e cilëson Shqipërinë si vendin më të varfër të Europës duke ia kaluar kështu edhe Kosovës. Ai thotë se sipas Eurostat Shqipëria renditet me shpenzimet më të larta për ushqime në Europë dhe se sa më i varfër të jetë një vend, aq më shumë shpenzon ai për ushqime.
Statusi i plotë:
Mirmëngjes vëndit më të varfër në Europë.
Me sukses, dhe diferencë, ja kalojmë Kosovës (10 vjet shtet) por dhe rajonit.
E thotë Eurostat, ku Shqipëria renditet me shpenzimet më të larta për ushqime në Europë.
Sa më i varfër të jetë një vend, aq më shumë shpenzon ai për ushqime, pasi ushqimi është një nevojë e domosdoshme dhe vetëm pas plotësimit të tyre, njerëzit mund të mendojnë për nevoja të tjera më pak jetësore, ku i fundit vjen argëtimi.
Kjo tregon dhe sa të ulta janë të ardhurat reale në Shqipëri, pasi pjesa më e madhe shkon për nevojat bazë.
