Dita e nesërmes do të mbahet mend për ish-Ministrin e Brendshëm Saimir Tahiri.

Pritet që të martën, në shtëpinë e Tahirit të shkojë policia që deri dje drejtonte ish Ministri. Efektivët e policisë do ta shoqërojnë Tahirin drejt Gjykatës së Krimeve të Rënda, aty ku ish Ministri do të paraqitet për verifikimin e masës së sigurisë së arrestit shtëpiak, vendim i dhënë të shtunën e kaluar.

Gjyqi pritet të nisë rreth orës 11:00.

Nga ana tjetër avokati i Tahirit, Maks Haxhia, tashmë e ka paralajmëruar se masa e sigurisë do të apelohet.

Kujtojmë se ish-Ministri i Brendshëm është akuzuar për trafik ndërkombëtar të drogës dhe lidhje me bandën e famshme kriminale të Habilajve.