Vetëm një ditë pas arrestimit është lënë e lirë ish-bashkëshortja e Fatmir Ramës, i njohur ndryshe edhe si ‘Miri i Xhikës’. Manjola Prifti është liruar nga Gjykata e Tiranës.
Gjykatësi Arben Micko ka vendosur ndaj 43-vjeçares masën e ‘detyrim paraqitje’.
Njoftimi i policisë pas arrestimit
Policia e Tiranës në bashkëpunim me Interpol Tirana kanë bërë arrestimin provizor me qëllim ekstradimi të shtetases:
Manjola Prifti, 43 vjeç, banuese në Tiranë.
Kjo shtetase ishte e shpallur në kërkim ndërkombëtar pasi:
Autoritetet Gjyqësore Italiane, e kanë dënuar shtetasen Manjola Prifti me 7 vjet, 3 muaj dhe 15 ditë burg, për veprën penale “Pjesëmarrje në organizatë kriminale, me qëllim trafikimin e lëndëve narkotike” bazuar në nenin 110 të Kodit Penal Italian dhe Neni 73 e 74 të Dekretit të Presidentit Italian nr. 309/90. Materialet u referuan në Prokurorinë pranë Gjykatës së Shkallës së Parë Tiranë.
