Për eskobarin e Ballkanit Klement Balilin, i cili është ende në arrati po shkruajnë dhe mediat ndërkombëtare. Në një artikull të saj, Berliner Kurier, shkruan se trafiqet e Klement Balilit po përmbytin Europën. Sipas Agjencisë Amerikane të Drogës DEA,  Klement Balili ka kontakt të drejtpërdrejtë me bosat e drogës në Amerikën Jugore.

“Klement Balili është një nga kriminelët më të fuqishëm në Evropë, i cili kontrollon pjesën më të madhe të tregtisë evropiane të kokainës. Për vite, Shqipëria ka qenë prodhuesi numër një i marijuanës në Evropë, me autoritetet e korruptuara dhe mesatarisht 218 ditë në vit.

Por sipas Europol, Shqipëria është “korridori i trafikut të drogës”, sidomos kokainës. Sipas Agjencisë Amerikane të Drogës DEA, përgjegjës për këtë, thuhet se është Klement Balili, i cili mendohet të ketë kontakt të drejtpërdrejtë me bosat e drogës në Amerikën Jugore. Megjithëse Balili ishte i njohur nga Europol dhe DEA, në vitin 2014 ai u emërua zyrtarisht nga qeveria shqiptare si “Drejtori i Ministrisë së Transportit”.

Ai e humbi postin kur reagimi ndërkombëtar kundër emërimit të tij u bë gjithnjë e më intensive. Trafiqet e tij të Drogës janë ende duke përmbytur Evropën dhe Berlinin”, shkruan ndër të tjera gazeta gjermane në artikullin e saj.