Nga forcat policore të Komisariatit të Policisë Lezhë në bashkëpunim me F.N.SH. Shkodër, janë ushtruar kontrolle Blic në territor, ku si rezultat i tyre u sekuestruan një armë zjarri pistoletë Bereta me një krehër me 15 fishekë, 14.600 Euro dhe një sasi bizhuterish.
Materialet u sekuestruan gjatë kontrollit të mjetit tip Lancia që drejtohej nga një 26-vjeçar, si dhe dyshohet të jenë të përfituara nga veprimtaria kriminale e vjedhjes.
Policia vuri në pranga, Roan Brahimi, 26 vjeç, banues në Lezhë, ndërsa materialet hetimore në ngarkim të tij, policia thotë se ia ka referuar Prokurorisë së Rrethit Gjyqësor Lezhë për veprime të mëtejshme.
/55News.al/
