Ditën e sotme një lajm tronditi opinionin publik, kur mediat trasmetaun se ‘minierat e vdekjes’ morën një tjetër jetë. Shpresa Rami vdiq pasi u shtyp nga një kamion teksa po mblidhte krom në minierën e vdekjes.

 Pas ngjarjes, ka reaguar Konfederata e Sindikatave të Shqipërisë per vdekjen në minierën e Bulqizës të një 50-vjeçareje.

 “Nuk kanë të sosur tragjeditë në galeritë e vdekjes në Bulqizë, ku babëzia nuk po kursen as gratë, që të detyruara nga halli punojnë në miniera, madje bashkë me fëmijët e tyre.

Shpresa Rami 50 vjeçe humbi jetën këtë të mërkurrë në një galeritë e zonës D në Bulqizë teksa po seleksionte krom. Konfederata e Sindikatave të Shqipërisë i shpreh keqardhjen familjes Rami dhe i bën apel prokurorisë të mos bëjë sehir, por të vihet në lëvizje dhe të zbardhë këtë ngjarje.

Pak ditë më parë në të njëjtën galeri u rregjistrua vdekja e një minatori, këto bilance janë tragjike. Çdo javë nga një minator ndërron jetë për shkak të mungesës së kushteve të sigurisë teknike.

Pronarët e galerive të vdekjeve shqyhen lokalevë të bllokut me politikanë,ndërsa pronat e tyre, ku aksionerë janë edhe politikanë ,janë kthyer në tmerrin e banorëve të Bulqizës.

Babëzia po vijon të marrë jetë njerëzish në Bulqizë dhe shteti ka zgjedhur heshtjen”, thuhet në reagimin e KSSH.