Ambasada e Mbretërisë së Bashkuar në Tiranë, vlerëson punën e Postës Shqiptare në identifikimin e mallrave të ndaluara (kontrabandë cigaresh, kontrabandë parash dhe pjesë armësh) të cilat kanë patur si destinacion shtetin e Mbretërisë së Bashkuar dhe përbëjnë një kërcënim për këtë të fundit.

Në shenjë falënderimi dhe mirënjohje për ndihmën dhe mbështetjen e treguar, si dhe për të shtuar masat e kontrollit  midis dy vendeve, Ambasada Britanike në Tiranë do t’i dhurojë Postës Shqiptare një skaner të ri, në mënyrë që t’i vijë në ndihmë  Postës Shqiptare në identifikimin dhe ndalimin e çdo pakoje të dyshimtë.

Ceremonia e dorëzimit të skanerit do të zhvillohet  ditën e nesërme, datë 19 Maj 2018, ora 09:00, në ambientet e Drejtorisë së Përgjithshme të Postës Shqiptare.

Në këtë ceremoni do të marrin pjesë përfaqësues nga Ambasada Britanike në Tiranë si: Andy Lawson – Assistant Director HMRC, Adam Winrow –FCLO HMRC Albania, Kosovo and Macedonia, Marcus Brien- CCSF Project Manager, Enxhi Terihati – FCLO HMRC Albania and Kosovo, Kebiana Koçi- British Embassy Comms Office.