Mëngjesin e sotëm u raportua për gjetjen e një trupi të pa jetë pranë “Monumentit të Pavarësisë” në “Sheshin e Flamurit”, në Vlorë.

Policia ka identifikuar të riun si 26- vjeçarin Albano Ymeraj.

Policia shkencore ka konstatuar një shiringë të ngulur në bark dhe dyshimet e para janë për një vdekje të shkaktuar nga një mbidozë heroine. 

“Më datë 18.05.2018, rreth orës 10:54, në lagjen “28 Nëntori”, është kostatuar i shtrirë në tokë, pa shenja jete, shtetasi A.I., 26 vjeç. Nga kqyrja paraprake dyshohet se shtetasi ka kryer vetvrasje pasi është konstatuar se ka prerë damarët. Në vendngjarje është gjetur dhe një mjet prerës (thikë). Po punohet për zbardhjen e plotë të rrethanave të ngjarjes”, bën me dije policia.

Por në trupin e viktimës janë konstatuar edhe shenja dhune, çka hap edhe pistat të tjera hetimore.

Grupi hetimor po pret përgjigjen e ekspertizës mjeko-ligjore që të përcaktojë zyrtarisht shkakun e vdekjes.