Një pikë bastesh është grabitur mëngjesin e sotëm në kryeqytet.
Sipas njoftimit të policisë rreth orës 8 të mëngjesit, një person i maskuar ka grabitur një pikë bastesh në rrugën “Irfan Tomini”.
Nga raportimet e para rezulton se ai ka marrë një sasi prej 50 mijë lekësh nën kërcënimin e një arme lodër.
Identiteti i grabitësit nuk është identifikuar ende, por po punohet për kapjen e tij.
Njoftimi i policisë:
Më datë 21.05.2018, rreth orës 08:10 në rrugën “Irfan Tomini”, në një pikë bastesh, një person i maskuar ( ende i paidentifikuar) ka marrë një sasi prej 50 mijë lekësh nën kërcënimin e një arme të ngjashme me pistoletë (të dyshuar lodër).
