Më 14 Maj 41 shtetas shqiptarë, grekë dhe të kombësive të tjera, mes tyre 2 punonjës policie u arrestuan nga policia në kuadër të "operacionit 272", për falsifikimin e vizave në Shqipëri dhe Greqi. Nga ky operacion ishte shpallur në kërkim një shtetasi Limos Selimi, 26 vjeç nga Lazarati, arrestimi i të cilit është bërë i mundur nga policia e Gjirokastrës. Urdhëri për ndalimin e tij ishte nxjerrë nga gjykata e Krimeve të Rënda më 14 maj të këtij viti për ”Dhënie ndihmë për kalim të paligjshëm të kufirit në kuadër të grupit të strukturuar kriminal”.
Selimi ishte pjesë e grupit të strukturuar kriminal të 4 laboratorëve të ngritur në Shqipëri për falsifikimin e pasaportave dhe vizave. Ata dërgonin në mënyrë të paligjshme shtetas jashtë vendit, kryesisht në Kanada, SHBA dhe Angli dhe merrnin deri 20 mijë euro për çdo person të trafikuar.
