Nga Hekuran Vladi
(shënim)
Kontrata PPP për ndërtimin e Rrugës së Arbrit, i është dhënë firmës "Gjoka Construction". Kjo firmë nuk ka as kapacitetin teknik, as atë financiar për finalizimin e kësaj kontrate. Ky nuk është ndonjë informacion konfidencial, pasi firma i ka publike të dhënat e saj.
Por, si do bëhet rruga? Formula quhet "nënkontraktimi i zi - termi im". Kontrata do të kalojë nëpër këto faza:
- 1. Z.Rrok (Gjoka Construction) do të nënshkruajë një nënkontratë me një kompani off shore.
- 2. Kjo kompani do të paguajë paratë (natyrisht me burim të paidentifikueshëm) dhe do lidh një nën-nën kontratë me një firmë, që ka kapacitetin teknik për kryerjen e punimeve.
- 3. Kompania off shore do të themelojë një filial në Shqipëri, të cilin e fut në joint-venture me z.Rrok për të vjelë të ardhurat e koncensionit për 10 vjet, të cilat janë gjithashtu të garantuara me kontratë nga buxheti i shtetit.
Ky nuk ishte një leksion për Rrokun, por një informacion për miqtë e mi.
