Presidenti Ilir Meta, ka mirëpritur  Arqipeshkvin Metropolitan të Firences, Hirësinë e Tij, Kardinalin Giuseppe Betori me një darkë zyrtare në Pallatin e Brigadave.

Të pranishëm në darkën zyrtare ishin  Kardinali shqiptar Ernest Simoni (Troshani), deputetë të Kuvendit, ambasadorë, krerë të bashkësive fetare në Shqipëri, klerikë të lartë të Kishës Katolike, etj.

‘’Vizita e një Kardinali në Shqipëri, një ngjarje e rëndësishme, jo vetëm për besimtarët katolikë, por për të gjithë shqiptarët. Besimi te Zoti dhe atdhedashuria kanë qenë e mbeten binomi i pandarë i historisë së besimeve të shqiptarëve. Mirënjohje të veçantë krerëve të besimeve fetare, nderim e përulje të veçantë për të gjithë ata udhëheqës besimesh fetare që s'janë më mes nesh. Kombi dhe Zoti u kanë dhënë forcë, besim e mençuri shqiptarëve që paqja, bashkëjetesa, harmonia, respekti e vlerësimi reciprok të jenë parimet dhe sjellja e besimeve dhe e besimtarëve shqiptarë mes tyre.’’, tha Meta.

Hirësia e tij Kardinal Betori tha se e pranoi me shumë kënaqësi  ftesën e Presidentit Meta për të vizituar Shqipërinë.

‘’Besimi fetar i ben njerezit me te drejte dhe shoqerine me te bashkuar dhe me moderne Uroj me te miren, progres dhe paqe per shqiptaret dhe per Shqiperine. Falenderoj Presidentin Meta per pritjen e vecante dhe per respektin qe tregon ndaj komunitetit katolik Lutem per popullin shqiptar, te kete zemra te gezuara, begati e lumturi, paqe e progres. Falenderoj Shqiperine per pasurine e vecante qe na jep me komunutetit katolik ne Firence’’, tha hirësia e tij Kardinal Betori.

Kardinali Betori drejtoi meshën në Katedralen e Shën Palit në Tiranë. Ai shoqerohet në këtë vizitë nga Kardinali shqiptar Ernest Simoni Troshani.