Lirimi i Sajmit Tahirit ditën e sotme nga masa e sigurisë “arrest shtëpie” ka ngjallur reagime të shumta në opinionin publik.

Treshja gjykuese e kryesuar nga Saida Dollani, Sokol Binaj dhe Fehmi Petku, ishin tre gjyqtarët  që i dhanë Tahirit lirinë duke shfuqizuar masën e sigurisë.

Asnjëri prej tyre nuk është i panjohur për ish-ministrin, pasi ata janë të njëjtët që shfuqizuan vendimin e Gjykatës së Tiranës, dhjetorin e shkuar, për bllokimin e pasaportës për Tahirin.

Trupa gjykuese Dollani, Binaj dhe Petku, i kanë dhënë dy herë lirinë Tahirit. Herën e parë për të udhëtuar jashtë vendit dhe kësaj here për t’a liruar ish-ministrin nga arresti shtëpiak.

Këta gjyqtarë janë të njëjtët që kanë liruar biznesmenin Orest Sota kundrejt garancisë pasurore në Janar 2018.

Sota u kap me 863 mijë euro të pajustifikuara në makinë që sipas Prokurorisë kanë lidhje me Saimir Tahirin.

Duket se ‘shorti’ i ka caktuar Tahirit që të përndiqet nga këta tre gjyqtarë në përballjen e tij para drejtësisë.