52-vjeçarja Elca Tereziu u godit për vdekje nga burri i saj, ngjarje kjo që ndodhi në sytë e djalit vetëm 17-vjeç.

Pas disa grindjeve, bashkëshorti i saj 57-vjeçar Xhevdet Mehmeti, ka marrë thikën dhe e ka goditur për disa herë 52-vjeçaren në fyt, duke e lënë të vdekur në vend.

Ngjarja ka tronditur familjarët, ku vëllai i të ndjerës përmes Facebook, ka përcjell dhimbjen e madhe që po kalon për humbjen e motrës.

“Më thuaj moj zemër ç’të bëj unë tani, më iku motra më la dy fëmijë. Më iku motra të takojë babanë, më la dy fëmijët me kokën mënjanë më thuaj moj zemër kë të mbaj më parë, Marion apo Danielin. Ngelën duke qarë, jashtë bie shi. Ç’do bësh ti moj nënë, shiun s’ke për ta parë, ngelem duke qarë! Nuk duroj dot moj nënë kur tavolinën shtruar e shikoj të dua këtu afër të të përqafoj. Fjalët e fëmijëve të ishe ti dëgjoje, të prekin thellë në zemër, veten do shkatërroje… Nuk mund t’i shkruaj të gjitha këto që thonë e pa harruar do mbetesh në zemrën tonë. Oh sa doja të shkruaja, por nuk duroj dot moj motër, më vjen të pëllcas… Fli e qetë moj motër, kurrë nuk do të harrojë fëmijët e tu, unë do t’i mbroj! I shkruajta këto fjalë pa ndaluar, kështu do jem unë me ta, gjithmonë të bashkuar! I pa harruar qoftë kujtimi yt”, shkruan ai.

Policia vuri në pranga autorin e ngjarjes. /55News.al/