Të gjithë e dimë sagën e vështirë me mësuesin dhe notat që ata vënë në regjistër, por jo të gjithë nxënësit reagojnë njëlloj nëse u vë një notë të keqe dhe kjo është normale ku të gjithë kanë temperamentin e ndryshëm.

Një 17-vjeçar nga Bilishti ka ngelur në klasë dhe ai ka menduar se rruga e duhur është të vjedhë regjistrat e maturës së shkollës, por plani i ka dështuar.

Nxënësi me inicialet K.Ç është denoncuar si i dyshuar dhe policia i ka gjetur dhe sekuestruar regjistrat e maturës të cilët i kishte vjedhur gjatë natës.

Nga veprimet hetimore të kryera shtetasi K.Ç rezulton ngelës në këtë vit shkollor. Materialet i kaluan Prokurorisë të Rrethit Gjyqësor Korçë për veprën penale “Vjedhje” e parashikuar nga neni 134 i Kodit Penal dhe tani po hetohet i lirë.

Sigurisht që veprimi i 17-vjeçarit nuk është i duhuri, por janë të shumta rastet në vendin tonë kur mësuesit gjejnë rrugën më të lehtë duke i ngelur dhe duke i përjashtuar nxënësit në vend që të merren me ta.