Edicioni i parë i festivalit “Takimi i teatrit “Kadri Roshi”” në teatrin “Zihni Sako” në qytetin e Gjirokastrës përfundoi me ceremoninë e çmimeve. U ndanë tetë çmime nga juria me kryetar aktorin Timo Flloko, anëtarë aktorët Ndriçim Xhepa, Rajmonda Bulku, Albert Minga dhe Kristjana Dida. Në festival shfaqja “Volpone” e tetarit “Skampa” triumfoi me katër çmime. Shfaqja më e mirë (Teatri Skampa Elbasan); Regjia më e Mirë (Adonis Filipi ); Aktori më i Mirë (Helidon Fino); Aktorja më e Mirë jo Protagoniste (Ilirda Bejleri ). Vepra “Volpone”  e Ben Johnson me regji nga Adonis Flipi erdhi në skenë me një kastë aktorësh të njohur, por dhe emra të rinj. Kjo vepër ka bërë bashkë jo vetëm aktorët e trupës së teatrit të Elbasanit, por dhe artistë të tjerë. Në role janë aktorët teatrit të Elbasanit si Mario Elezi, Ilirda Bejleri, Antoneta Doka, por dhe aktorë të tjerë që sipas regjisorit veshin shumë mirë kostumin e shfaqjes si Helidon Fino, Ligoraq Ruiza, Xhuliano Briskaj, Muharrem Hoxha, etj.