Ndahet nga jeta regjisori i mirënjohur i filmit shqiptar

Hënë, 03 February 2020 14:22

QKK ka njoftuar sot se është ndarë nga jeta në moshën 80-vjeçare regjisori i mirënjohur i filmit shqiptar,  Xhezair Dafa. I njohur për fimlat artistikë në vitet 70-të Dafa më pas iu përkushtua filmit dokumentar, duke realizuar një sërë filmash të cilat sot kanë vlera historike, kulturore e edukative.

Xh.Dafa u lind në Borsh të Sarandës, më 24 janar 1940. Studimet e larta i kreu për aktor në shkollën e lartë për aktorë “Aleksandër Moisiu”, në vitin 1965. Menjëherë pas saj, në 1966 u emërua asistent regjisor në Kinostudion “Shqiperia e Re”. Pas nëj prëvoje si asistent në filmat “Komisari i dritës”, “Ngadhnjim mbi vdekjen”, “Njësiti gueril”, “Plagë të vjetra”, vjen filmi i tij i parë dokumentar si regjisor i pavarur “Iniciativa krijuese e masave” (1967) e më pas “Kujdes” (1970), për të vijuar  me 24 te tillë, nder te cilët spikatin ata me teme bregdetin: "Perla e Jugut", "Blerim ne bregdet", "Bleron kjo lulja e Jonit" etj. Përpos fiksimit te bukurive qe jepnin pamjet nga riviera jugore e Shqipërisë, bie ne sy edhe trajtimi i kuadrit, lirika dhe poezia, sikurse edhe harmonizimi i ngjyrave dhe dritës ne funksion te tekstit. Filmi i fundit dokumentar i Xh. Dafës i takon vitit 1991, “Mirëseerdhe z. Bejker”, që pasqyron vizitën historike të ish-sekretarit amerikan Xhejms Beker në Shqipëri.

Filmi i pare artistik i tij i metrazhit te shkurtër ishte kinokomedia “Odiseja e tifozëve” (1972), me skenar te Skënder Plasari, me te cilin dy vjet me vone realizon edhe filmin e dytë, po të metrazhit to shkurtër, “Duke kerkuar 5-oreshin”, të dyja me aktorin e madh Robert Ndrenika. Prirja ndaj komikes u vu re qysh ne filmin e tij dokumentar Kujdes dhe u zhvillua brenda një qasjeje farseske, me elementet e shpeshta te groteskut, te pantomimës dhe te farsës ne filmat e mësipërm.

download.jpg

Kuadër nga filmi "Duke kërkuar 5 orarëshin"

Xh. Dafa xhiroi edhe filma te kahut epik, dramatike e heroike sikurse qenë: “Udhëtim i vështirë” (1977, bashkëregjisor me P. Llanaj), “Këshilltarët” (1979), “Intendenti” (1980). Filmi “Këshilltarët” është shfaqur edhe në Festivalin Ndërkombëtar të Selanikut, më 1980.

Keshilltaret-e-Hekalit-720x415.jpg

Kuadër nga filmi "Këshilltarët"

Filma te tjerë dokumentarë: “Qyteze e re”, “Njerëz të rinj”, “Urbanistika e fshatit”, “Me alpinistet e vegjël”, “Letër nga Komani”, “Rritja e peshkut”, “Përballë një dimri te ashpër”, “Po lufton Idriz Seferi”, “Vizita e Perez de Kuelar në Shqipëri”, “Mes vëllezërve kosovarë” (1991) etj.

 Me rastin e 75-vjetorit të lindjes, në janar 2015, AQSHF organizoi një ceremoni me ish-kolegët, miqtë dhe dashamirësit e filmit shqiptar.

Regjisori Xhezair Dafa mbetet një emër i nderuar në historinë e kinematografisë sonë, që ka dhënë kontributin e tij të çmuar për afro tre dekada.

Capture.JPG

Ish-drejtoresha e AQSHF, Elvira Diamanti, duke uruar regjisorin Xhezair Dafa në 75-vjetorin e lindjes (2015)

10924702_807802759266904_2080467107508896963_n.jpg

Mes kolegëve të nderuar: Marjeta Kotani, Ilia Dede, Angjelina Xhara, Kolec Traboini,  Esat Ibro etj.

Modifikuar më Hënë, 03 February 2020 15:11

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

BSH:Gjatë pandemisë Shqipëria humbi 17 mijë vende pune Shqipëria ka humbur rreth 17 vende punë si pasojë e pandemisë.

Aktualitet

BSH:Gjatë pandemisë Shqipëria humbi 17 mijë vende pune Shqipëria ka humbur rreth 17 vende punë si pasojë e pandemisë.

Një gjë të tillë e ka bërë me dije guvernatori Bankës së Shqipërisë, Gent Sejko ditën e sotme (1 korrik 2020). Sejko shtoi se në tremujorin e parë ekonomia është tkurrur...

Zv.presidente e Asamblesë së Përgjithshme të OKB,Yuri Kim mesazh Besiana Kadaresë:Urime për zgjedhjen e Shqipërisë në pozicionin e rëndësishëm

Politikë

Zv.presidente e Asamblesë së Përgjithshme të OKB,Yuri Kim mesazh Besiana Kadaresë:Urime për zgjedhjen e Shqipërisë në pozicionin e rëndësishëm

Ambasadorja amerikane, Yuri Kim ka uruar zv.presidenten e Asamblesë së Përgjithshme të OKB-së, Besiana Kadarenë për postin e ri. Kim thotë uron Kadarenë për zgjedhjen e Shqipërisë në pozicionin e rëndësishëm...

Protestat tek Unaza e Re,nis gjyqi për ish-deputetin Klevis Balliu

Politikë

Protestat tek Unaza e Re,nis gjyqi për ish-deputetin Klevis Balliu

  Ish- deputeti i PD, Klevis Balliu do të jetë sot në gjyq pas shtyrjes së seancës së parë para pandemisë. Pas mbylljes së hetimeve, Prokuroria vendosi ta dërgojë në gjyq Klevis...

Sondazh

Nothing found!

Sondazh

Nothing found!