“Nesër shfaqja anullohet. Ka dëgjesë publike” Ky është njoftimi i regjisorit të shfaqjes “Senatori Fox” dhe i teatrit të Vlorës, Roland Minga.

Denoncimi vjen nga Genc Deromemaj ne rrjetin social FB i cili shkruan

“Nesër shfaqja anullohet. Ka dëgjesë publike” Ky është njoftimi i regjisorit të shfaqjes “Senatori Fox” dhe i teatrit të Vlorës, Roland Minga.

Një njoftim i dytë që pason njoftimin e parë, të disa ditëve më parë, kur regjisori Minga shkroi në faqen e tij në facebook “Shfaqja u anullua me forcë”. Atë ditë, shfaqja u anullua për një koncert të rinjsh amator.Ky është realiteti i dhimshëm i teatrit të Vlorës, ku një shfaqje aktorësh profesionistë anullohet për dëgjesa politike të partisë në pushtet dhe një koncerti amatorësh.Nuk ndodh në asnjë vend të botës.Në atë botë të qytetëruar, ku pikërisht kjo qeveri që anullon shfaqjen, betohet se është duke i përmbushur detyrat e Evropës.Është pikërisht kjo qeveri që sillet me artin në mënyrën më antiart, duke filluar që nga sjellja me Teatrin Kombëtar e deri me Teatrin e Vlorës.

Sot, salla e teatrit të Vlorës, do të mbushet plot.Por, jo për shfaqjen, por, për politikën.Po ata vlonjatë që duhet të shkonin për të parë shfaqjen, do të shkojnë aty për të parë e dëgjuar politikën në farsën e radhës, që qeveria në pushtet e quan “Dëgjesë publike për bashkëqeverisje me qytetarët”.
Dhe meqë ju të qeverisë e të bashkisë do të bëni dëgjesë publike në teatër, fillojeni dëgjesën me problemet që ka teatri i Vlorës, sepse do të mësoni shumë gjëra të hidhura dhe do të kuptoni se në qytet ka humbur shpresa e ka më pak lumturi, pikërisht sepse arti është në krizë dhe qeveria e pushteti lokal i majtë “krihen” me krizën e artit".