Kryeministri i Kosovës Ramush Haradinaj ka thënë se paralajmërimet e serbëve të Kosovës për formimin njëanshëm të asociacionit të komunave me shumicë serbe për datën 20 prill nuk ka peshë juridike.
Ai këto komente i bëri në një konferencë për media pas mbledhjes së Qeverisë së Kosovës.
Ai u shpreh në këtë mënyrë në konferencën për media zhvilluar pas mbledhjes së Qeverisë së Kosovës.
“Kjo nuk ka peshë juridike, s’ka peshë ligjore dhe kushtetuese”, është shprehur Haradinaj.
Serbët e Kosovës kohë më parë kanë paralajmëruar se do të mblidhen më 20 prill në Mitrovicën e Veriut për të krijuar asociacionin e komunave me shumicë serbe në Kosovë.
Ndërkohë, BE-ja ka paralajmëruar se asociacioni do të jetë në kuadër të ligjeve të Kosovës, gjë që është kundërshtuar nga Beogradi zyrtar, i cili kërkon që një gjë e tillë të jetë në pajtim me marrëveshjen e dalë nga dialogu i Brukselit.
