Për drejtorin e Zyrës për Kosovën në Qeverinë e Serbisë, Marko Gjuriç, tashmë i njohur për retorikën e tij nacionaliste serbe, ndërsa nuk janë të pakta rastet kur provokon me deklaratat. Kështu në një prononcim për TV Prva ai tha: “nuk përbën lajm nëse Prishtina nuk respekton ndonjë marrëveshje, por do të ishte lajm nëse ndodhë ta respektojë ndonjë”.

“Kur fyejnë, përdorin retorikë provuese, flasin për njëfarë territori që nuk e kanë, nuk përbën kurrfarë lajmi”, është shprehur ai dhe ka shtuar se “Kosova dhe Metohia është territor i Serbisë sipas Kushtetutës sonë dhe sipas Rezolutës 1244”. Mes të tjerash ai tha se nuk do ta këshillonte askënd që t’u besojë premtimeve të Prishtinës.

Gjuriç po ashtu tha se shqiptarët në Prishtinë kanë mbështetjen e Amerikës dhe të disa vendeve perëndimore kur bëhet fjalë për pavarësinë e Kosovës, siç Serbia e ka për detyrë të përmirësojë pozitën ndërkombëtare të Serbisë.