Numri i lartë i të interesuarve për bileta për ndeshjen Kosovë-Maltë, ka bërë që policia të përdorë gaz lotsjellës për të qetësuar turmën e qytetarëve.
Ditën e sotme pasi dolën në shitje biletat, të shumtë ishin qytetarët që rendën në sportele, por numri i madh i tyre ka bërë që të krijohet kaos në Dardani. Ndaj, duke marrë shkas nga rrëmuja e krijuar, policia përdori spraj për të përhapur turmën.
Në fotot që kanë publikuar mediat kosovare shihet se si qytetarë kanë përfunduar të shtrirë përtokë ndërsa fërkojnë sytë nga gazi lotsjellës.
