Gjykata Evropiane e të Drejtave të Njeriut në Strasburg ka dalë në konkluzion që Italia ka shkelur të drejtat e “bosit të bosëve ” të Mafias, Bernardo Provenzano, për aplikimin ndaj tij të regjimit të ashpër special të burgimit, në ditët e fundit të jetës së tij.

Gjykata vendosi të enjten se Italia nuk ishte e justifikuar në aplikimin e kushteve strikte të burgut vetëm disa muaj përpara vdekjes së Provenzano-s, krahut të djathtë të Toto Riinës, prandaj dhe vendosi ta dënonte me 176 mijë euro gjobë për trajtimin jo njerëzor Bernardo Provenzano.

Provenzano, i cili udhëhoqi klanin e fuqishëm të mafias korleoneze, vdiq në qershor 2016 në moshën 83-vjeçare pas një dekade në burg, tri vitet e fundit ishte i shtruar nga sëmundja. Avokatët e Provenzano argumentuan pa sukses që kushtet e tij të lehtësoheshin për shkak të shëndetit të dobët të klientit.

Vendimi të enjten solli një reagim të menjëhershëm nga zëvendëskryeministri italian Luigi Di Maio, i cili tha se “sjelljet çnjerëzore ishin ato të Provenzano”.

Provenzano ishte duke vuajtur dënimin me burgim të përjetshëm për disa vrasje, duke përfshirë edhe vrasjen e dy gjyqtarëve në vitin 1992. Ai njihej me nofkën “Traktor” dhe udhëhoqi mafian pas pas vitit 1993, pas arrestimit të ish-bosit Salvatore “Toto” Riina.