Një sasi prej 1 ton kanabis sativa është kapur ditën e djeshme në Janinë, në një kamion që ka rezultuar i vjedhur.
Droga që ishte marrë në Shqipëri dhe ishte kaluar në kufi me ngarkesa të vogla, u kap nga policia greke, në një operacion që kishte nisur që në doganën e Kakavijës, pjesa greke.
Por sot është mësuar edhe emri i shoferit që u arrestua në kamion.
Bëhet fjalë për një 30 vjeçar nga Gjirokastra.
Ai është identifikuar si Mirjan Gjini, lindur e banues në Gjirokastër.
Pas kapjes së 1 ton drogë edhe në Shqipëri kanë nisur hetimet në lidhje me këtë grup që trafikonte drogë drejt Greqisë.
