VV-LDK, sot pritet nënshkrimi i marrëveshjes për qeverisje

Hënë, 02 December 2019 09:05

Sot pritet që të nënshkruhet marrëveshja për koalicion mes Lëvizjes Vetëvendosje dhe Lidhjes Demokratike të Kosovës, ndërkohë, ende zyrtarisht nuk dihen detaje për ndarjen e ministrive, postin e presidentit dhe kryetarit të parlamentit të Kosovës.

Në takimin që u mbajt të shtunën në mes të Isa Mustafës dhe Albin Kurtit, u tha se është përmbyllur 100 përqind harmonizimi i programit qeverisës, duke u pajtuar për të gjitha çështjet e hapura, e po ashtu edhe sa i përket kabinetit qeverisës, sipas të cilëve do të ketë 12 ministri.

Krahas kësaj, është raportuar se pesë ministri do i takojnë Lëvizjes Vetëvendosje, pesë Lidhjes Demokratike të Kosovës, një minoritetit serb dhe një për minoritet tjera.

KosovaPress ka kontaktuar me Lutfi Hazirin nga Lidhja Demokratike e Kosovës, i cili nuk ka dashur të jap detaje, duke thënë se “këto detaje do të bëhen publike kur të vije koha”.

Detaje nga kjo marrëveshje e cila pritet të nënshkruhet sot, nuk kanë shpalosur as përfaqësues të Lëvizjes Vetëvendosje.

Zyrtari për media nga kjo parti, Arlind Manxhuka tha se të gjitha do të kuptohen të hënën.

Lëvizja Vetëvendosje dhe Lidhja Demokratike e Kosovës, pas gati dy muaj bisedime që nga përfundimi i zgjedhjeve, më në fund janë harmonizuar 100 përqind për programin qeverisës.

Kujtojmë se subjekti i Albin Kurtit në zgjedhjet e 6 tetorit ka arritur t’i marrë 29 deputetë, LDK një më pak 28. Ndërsa, iu duhen edhe disa vota të pakicave për të ndërtuar qeverinë e re.

Sipas të gjitha gjasave, dita e sotme pritet të jetë vendimtare për marrëveshjen rreth themelimit të udhëheqësisë së re. /KosovaPress/

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Befason Tirana, ja cili do ta drejtojë ekipin bardheblu në ndeshjen ndaj Partizanit

Sport

Befason Tirana, ja cili do ta drejtojë ekipin bardheblu në ndeshjen ndaj Partizanit

Në një kohë kur sytë e të gjithë tifozëve janë drejtuar nga drejtuesit në pritje të trajnerit të ri, ata kanë marrë të gjithë kohën e nevojshme në dispozicion për...

Fjalimi i jashtëzakonshëm i Shqiptar Osekut, kundër Nobelit për Peter Handken

Aktualitet

Fjalimi i jashtëzakonshëm i Shqiptar Osekut, kundër Nobelit për Peter Handken

Shqiptar Oseku, poet dhe anëtar i rrjetit suedezo-shqiptar ka mbajtur një fjalim të jashtëzakonshëm në manifestimin kundër vendimit të akademisë suedeze për të nderuar me çmimin Nobel shkrimtarin Peter Handke...

Historia e gruas që shpëtoi në Thumanë, u largua nga pallati pas tërmetit të 21 shtatorit

Aktualitet

Historia e gruas që shpëtoi në Thumanë, u largua nga pallati pas tërmetit të 21 shtatorit

Kjo grua e moshuar, banore e Thumanës, është e vetmja që u largua nga pallati pas tërmetit të 21 shatorit. Ajo braktisi apartamentin dhe bleu shtëpi private. “Unë kam pas banuar...

Sondazh

Nothing found!

Sondazh

Nothing found!