Rama erdhi për Specialen në Kosovë/ Heroi i luftës nuk e pret

Hënë, 29 June 2020 18:57

Kryeministri i Shqipërisë, Edi Rama ka ardhur në Kosovë për një vizitë dy ditëshe për takime me krerët e institucioneve dhe atyre të subjekteve politike parlamentare. 

Arsyeja e kësaj vizite sipas tij është për të mësuar më shumë pas aktakuzës në Prokuroria Speciale, ndaj presidentit të Hashim Thaçi e kryetarit të PDK-së Kadri Veseli.

 
 
 

Ai gjatë qëndrimit në vendin tonë pritet t'i takoi përfaqësuesit e institucioneve dhe ata të subjekteve politike kryesore.

 
 
 

Derisa  "Syri.net", ka mësuar se kryeministri Edi Rama nuk do të ketë takime me kryetarin apo udhëheqësit e Aleancës për Ardhmërinë e Kosovës, pas përplasjeve të njëpasnjëshme ndërmjet tyre për idenë e korrigjimit të kufijve.

 
 

Nga AAK-ja kanë konfirmuar për "Syri.net", se nuk do të kenë takime me kryeministrin e Shqipërisë Edi Rama, as ditën e hënë e as të martën edhe përkundër ftesës për takim.

Nga AAK-ja thonë se nuk ka arsye për takim kur dihet se Rama ka fyer e paditur kryetarin e AAK-së derisa ai ishte kryeministër. 

Përplasjet ndërmjet ish kryeministrit të Kosovës Ramush Haradiaj dhe Edi Ramës, kanë ardhur pasi ky i fundit ishte implikuar thellë siç e ka theksuar Haradinaj në projektin për ndarjen  apo shkëmbimin e territoreve të Kosovës. 

Kryeministri i Shqipërisë edhe në 11 vjetorin e pavarësisë kishte shfaqur interesim t’i zgjaste dorën Rifat Jasharit dhe Ramush Haradinajt, të cilët po ecnin bashkë, por Haradinaj u kthye dhe vazhdoi për në vendin që i ishte rezervuar atij.

Kryeministri i Shqipërisë Edi Rama me 15 janar të këtij viti e ka paditur ish kryeministrin e Kosovës Ramush Haradinaj derisa ai ishte në detyrë për kompensim dëmi në Departamentin për Çështje Civile të Gjykatës Themelore të Prishtinës për shkak të deklaratës shpifëse të supozuar. 

Pra ideja e korrigjimit të kufijve, ishte ashpërsuar muajve të fundit sa Haradinaj ishte kryeministër.

Ky i fundit madje nuk ka ngurruar që të drejtojë në drejtim të Haradinajt, fyerje e ofendime nga më të rëndat, duke i dalë në krahë Hashim Thaçit.

E se nuk dëshironte ta shihte me sy Haradinajn, e dëshmon edhe bojkoti që Edi Rama i ka bërë ftesës së Haradinajt, për të marrë pjesë në inaugurimin e autostradës “Arbën Xhaferi”.

Derisa Rama disa herë ka fyer dhe sulmuar Ramush Haradinajn.

Derisa ish kyeministri Ramush Haradinaj, ka thënë një intervistë për "Syri.net"  se nuk e kupton pse Edi Rama bëhet nervoz dhe fyen.

Tani është vështirë me hy në thelb të asaj se përse kryeministri Edi Rama është nervoz ose përdor një fjalor edhe fyes ndoshta, po është me rëndësi me shpjegu.

Derisa kryeministri Edi Rama do të zhvillojë sot një vizitë dy ditore në Kosovë.Shefi i qeverisë shqiptare do të ketë sot dhe të martën takime me krerë të shtetit dhe politikës në Kosovë.

Kryeministri shqiptar Edi Rama, takohet me kryetarin e Nismës Socialdemokrate, Fatmir Limaj, pastaj me kryetaren e Kuvendit, Vjosa Osmani. Vazhdon takimin me kryeministrin, Avdullah Hoti, pastaj me kryetarin e Partisë Demokratike të Kosovës, Kadri Veseli, me atë të LVV-së Albin Kurtin dhe me presidentin Hashim Thaçin. 

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Denoncimi i PD: Skandal tek kopshti ‘4 Stinët’ në Tiranë, bashkia fshehu rastin me COVID-19, prokuroria të hetojë

Politikë

Denoncimi i PD: Skandal tek kopshti ‘4 Stinët’ në Tiranë, bashkia fshehu rastin me COVID-19, prokuroria të hetojë

  Partia Demokratike i bëri thirrje prokurorisë që të hetojë në lidhje me rastin e mbylljes së kopshtit ‘4 Stinët’ në Tiranë, pas rasteve që u shfaqën me koronavirus. Në një dalje...

Nard Ndoka ironizon Ramën:Pse nuk bëhesh president i Flamurtarit

Politikë

Nard Ndoka ironizon Ramën:Pse nuk bëhesh president i Flamurtarit

Ish-deputeti i Partisë Demokratike, Nard Ndoka ka ironizuar me kryeministrin e Shqipërisë, Edi Rama, duke i thënë të bëhet president i Flamurtarit. Duke iu referuar deklaratës së kryetarit të PD, Lulzim...

Rakipi:Deklarata e Bashës, mjaft serioze! Rama kërkon garanci të mos marrë haraçin për gjithçka ka bërë!

Politikë

Rakipi:Deklarata e Bashës, mjaft serioze! Rama kërkon garanci të mos marrë haraçin për gjithçka ka bërë!

Gazetari Ylli Rakipi, ka qenë i ftuar në emisionin “Në fokus” në TV T, ku ka komentuar deklaratat e Lulzim Bashës, lidhur me një ofertë për pazar, që i ka...

Sondazh

Nothing found!

Sondazh

Nothing found!