Parlamenti Europian i ka bërë thirrje Turqisë zyrtare që të lirojë sa më parë ushtarët grek, të cilët po mbahen të mbyllur në një burg turk.

Menjëherë pas kësaj ka reaguar dhe deputeti grek i SYRIZA-s, Dimitris Papadimoulis, i cili është shprehur se kjo ishte një goditje me zë të lartë për udhëheqjen e Erdoganit.

Kjo vjen pasi ligjvënësit evropianë votuan të enjten 607 pro, 7 kundër dhe 18 abstenime, për një rezolutë që kërkonte lirimin e shpejtë të lejtnantes Angelos Mitretodis dhe rreshterit Dimitris Kouklatzis.

Ata u burgosën pasi gabimisht kaluan kufirin tokësor turk më 1 mars; ata që nga ajo kohë janë mbajtur në një siguri maksimale në një burg në Edirne (Andrianoupolis).

Rezoluta para Parlamentit Evropian tha se “togeri dhe rreshteri në fjalë ishin në një turne të rregullt të patrullimit të kufirit [grek]”, duke hedhur poshtë disa pretendime turke për spiunazh ushtarak.

Gjithashtu, u bëri thirrje autoriteteve turke që “të ndjekin me përpikëri procedurat ligjore dhe të respektojnë plotësisht, për të gjithë të interesuarit, të drejtat e njeriut të përfshira në të drejtën ndërkombëtare, duke përfshirë Konventën e Gjenevës”.