Ai sipas raportimeve të policisë, ndërroi jetë mbrëmë si pasojë e një aksidenti.

Një shofer furgoni i identifikuar si Mentor Çeku, po udhëtonte në gjendje të dehur në Bulqizë teksa biznesmeni po ecte rrugës me këmbë.

Çeku e ka përplasur dhe e ka hedhur në kanal biznesmenin 52-vjeçar.

Ai është gjetur në gjendje kritike nga kalimtarë të rastit të cilët e kanë nisur për mjekim drejt Tiranës por rrugës ka ndërruar jetë për shkak të plagëve të rënda.

Policia arrestoi drejtuesin, i cili pas aksidentit braktisi mjetin në vendin e ngjarjes dhe u largua pa i dhënë ndihmë Duriçit.

NJOFTIMI I POLICISË: Bulqizë

Specialistët e Sektorit të Policisë Rrugore në DVP Dibër, arrestuan në flagrancë shtetasi, M. C., 45 vjeç banues në Bulqizë.

Arrestimi i tij u bë pasi në orët e mbrëmjes datë 31.01.2020, duke drejtuar automjetin furgon tip "Ford", në aksin rrugor Shupenzë-Bulqizë, ka përplasur këmbësorin M. D., 52 vjeç, ku si pasojë ka humbur jetën.

Drejtuesi i automjetit pas aksidentit, braktisi automjetin duke u larguar nga vendi i ngjarjes, ku pas kërkimeve të policisë është bërë arrestimi i tij.

Shtetasit M. C., i është bërë testi i alkoolit me aparatin drager dhe ka rezultuar se drejtonte mjetin në gjendje të dehur në masën 0.60 mg/l.

Materialet procedurale do ti referohen Prokurorisë Pranë Gjykatës Shkallës së Parë Dibër, për veprat penale " Shkelja e rregullave të qarkullimit rrugor" , "Drejtimi i automjetit në mënyrë të parregullt", dhe "Largim nga vendi i aksidentit".