Detaje të reja kanë dalë nga masakra e Dobraçit, që tronditi qytetin e Shkodrës mesditën e  kësaj të mërkure.

Për shkak të të shtënave me armë zjarri në zonë e ‘ 5 Heronjve’ viktima kanë mbetur Hamza Lici dhe është plagosur rëndë Arlind Bushati, të cilët po udhëtonin me makinë, në momentin kur janë qëlluar me kallashnikov nga një automjet në lëvizje. 

Si pasojë e atentatit me armë zjarri, makina e cila drejtohej nga Hamza Lici ka humbur kontrollin dhe ka përplasur një çift i cili udhëtonte me motor, ku viktimë ka mbetur gruaja si dhe bashkëshorti i saj është plagosur rëndë.

Sipas burimeve bëhet me dije se policia po sekuestron pamjet e sigurisë. Ndërkohë që bëhet me dije se automjeti është ndjekur për disa metra dhe është qëlluar me breshëri plumbash.

Të njëjtat burime bëjnë me dije se gëzhojat janë përhapur kudo përgjatë aksit rrugor Shkodër- Han i Hotit, në afërsi te Dobraçit.

Policia dhe grupi hetimor ndodhen në vendgjarje dhe po punojnë për zbardhjen e plotë të këtij atentati të rëndë.