Eurocontrol “detyrohet” të përfshijë Shqipërinë në “NewPENS”,  pasi duhet të kontrollojë hapësirën tonë ajrore.

Kështu , rregullatori i trafikut ajror ka përfshirë edhe Shqipërinë në Rrjetin e Ri Pan-Europian, i njohur si NewPENS.

Shqipëria është tashmë pjesë e NewPENS (Shërbimi i Rrjetit të Ri Pan-Europian), një platformë që vjen nën kujdesin e rregullatorit të njohur si Eurocontol. Përgjegjësia në Shqipëri e kësaj iniciative dhe detyrimeve që lindin praj saj i takon Albcontol.

Referuar njoftimit të bërë nga vetë rregullatori i trafikut ajror në Europë shërbimi i rrjetit të ri është një kontratë e veçantë e prokurimit të menaxhimit të trafikut ajror.

Më trafikun ajror në rritje Neë PENS do të mundësojë mbështetje të qëndrueshme për aviacionin europian, të sigurojë lidhjet e rrjetit ndërkufitar dhe mbështesë aplikimet kyçe të sigurisë. Rrjeti do të lidhë me shumë se 200 zona në 47 vende në Rajonin Europian dhe Verior të Atlantikut.

NeëPENS do të plotësojë  nevojat aktuale për shkëmbim të dhënash mes ofruesve të shërbimeve të navigacionit ajror si dhe grupit të madh të palëve të interesit duke mundësuar gjithashtu shërbimeve të paracaktuara me programin SEASAR (Ky program lindi në vitin 2014 dhe ofron idenë e një qielli të vetëm europian në kuptimin e përmirësimit të Trafikut Ajror”. Katalogu i shërbimit teknik rifreskohet me teknologjinë dhe kërkesat e biznesit” thuhet në njoftimin e bërë  nga Albcontol.

Gjatë prezantimit të iniciativës më të fundit Eurocontol ka bërë edhe një parashikim për mënyrën sesi parashikohet të rritet trafiku ajror në vende të ndryshme europiane, por jo vetëm. Shqipëria llogaritet që në raport me vitin 2017 deri në vitin 2024 të ketë një rritje të konsiderueshme por që nuk do të kalojë 250 fluturime ekstra në ditë. Në të njëjtën situatë paraqitet edhe Maqedonia e cila kategorizohet gjithashtu tek vendet që nuk do të kalojnë rritjen 250 fluturime ekstra në ditë. Të gjithë vendet e rajonit Mali i Zi, Serbia, Bosnja parashikohen që deri në 2024 të jenë në kuotën 250-500 fluturime më shumë se në raport me 2017, kurse Greqia dhe Italia të paktën 500-1000 fluturime më shumë .

Shqipëria parashikon që të ketë një aeroport të dytë funksional brenda vitit 2021 dhe konkretisht bëhet fjalë për atë të Vlorës, për të cilin është ofruar një kompani koncesionare turke për ta ndërtuar me një kosto që llogaritet rreth 100 milionë euro. Aktualisht aeroporti i vetëm operativ në vend është ai i Rinasit.