Nga Kastriot Dervishi

Pamja tregon kufirin shqiptaro-jugosllav në vitin 1983 në zonën e Bllatës së Poshtme. Fotografimi është bërë për një çështje hetimore ndaj një 44-vjeçari që u orvat të arratisej. Një ish i dënuar në vitin 1968 për moskallëzim arratisje, tenton të arratiset vetë, por arrestohet më 15.8.1983. Ky arrestim i tij na jep mundësinë të shohim si ishte kufiri midis Shqipërisë socialiste dhe Jugosllavisë titiste. Vendi i arratisjes së tij është pikërisht ky që shihet në foto. Vihet re që Shqipëria socialiste e zhytur në varfëri, edhe në varfëri, edhe barin e ka të tharë, pavarësisht se është periudhë vere. Ndër të tjera në vendimin e gjykatës thuhet:

“Si rezultat i mungesës së një edukimi të shëndoshë, ideopolitik, jetës endacake e parazitare, ..te i pandehur ka gjetur shtrat dhe kultivuar rrënjë ideologjia borgjeze e revizioniste, e cila ka bërë që për së dyti të hyjë në rrugë të hidhur kriminale”. Në përfundim, i pandehuri u dënua me 14 vjet burgim.