Nga Kastriot Dervishi
Në këtë foto, E.Hoxha është me Kostandin Boshnjakun në Labinot të Elbasanit në vitin 1943. Nuk duket se është në gjendje lufte, por i veshur mirë e krejt në paqe. Fotografia e manipuluar (djathtas) tregon Enver Hoxhën të vetëm. Ajo është përdorur si fotoja hyrëse në librin “Elbasani në luftë për çlirim”, Tiranë 1971. Në dallim nga origjinali (majtas), Enver Hoxhës i është hequr i padëshiruari i dënuar në vitin 1948 me grupin e dytë të deputetëve, si dhe i është retushuar kapela. Në foton e falsifikuar është hequr shqiponja e cila qëndronte afër yllit të kuq komunist. Po ashtu i janë hequr edhe këmbët sepse edhe aty ka diçka që nuk shkon nga ngjyrat e ndryshme.
