Nga Kastriot Dervishi
Një fotografi e vjetër tregon ceremoninë e varrimit të një ministri shqiptar, nga më me përvojë në periudhën e parë të shtetit shqiptar. Në fillim të Luftës Italo-Greke (tetor 1940-prill 1941), ministri i Drejtësisë, Xhafer Ypi gjendej në fshatin e tij në Starje të Kolonjës. Më 17 nëntor 1940, as e kishte menduar se mund të vritej prej bombardimeve greke. Pikërisht këtë ditë, një predhë i dha fund jetës së tij. Trupi i Ypit u soll në Tiranë. Në varrezën e Kryegjyshatës Botërore Bektashiane u krye ceremonia e varrimit.
