1980/Vjedhja e pronave të shqiptarëve jashtë vendit nga Shoqëria Komisionare

E mërkurë, 24 June 2020 16:18

Nga Kastriot Dervishi

Pasi kishin vjedhur pronarët brenda vendit, me ligje e pa ligje, regjimi komunist nuk la pa bënë dorë te pasurive të shqiptarëve jashtë vendit. Me prokura të dyshimta, trashëgimtarët e këtyre pasurive jashtë vendit, por që jetonin në Shqipëri, u vunë përpara detyrimeve të shisnin pronat e tyre, duke sjellë të ardhura që në pjesën maksimale të tyre i kalonin regjimit komunist. Pronarët ishin në pozitat e njerëzve të marrë peng e për të cilët kërkohej një shumë për t’i liruar.

Me vendimin nr.62, datë 16.2.1956 “Mbi krijimin e Zyrës së Komisionarisë”, “me qëllim që t’u jepet ndihmë e nevojshme pronarëve shqiptarë për marrjen në dorëzim të pasurive që kanë në Itali, importimi i të cilave është lejuar me vendimin e mëparshëm nr.42, datë 27.2.1954, Këshilli i Ministrave vendosi krijimin në Tiranë të zyrës në fjalë, në varësi të Ministrisë së Tregtisë, me një kryetar e një zëvendës. Në bashkëpunim edhe me Ministrinë e Financave, zyra do përcaktonte përqindjen që do merrnin pronarët shqiptarë. Me vendimet e tjera të Këshillit të Ministrave, emri iu ndërrua në Shoqërinë Komisionare dhe varësia i kaloi Bankës së Shtetit Shqiptar. Në vendimet e tjera po u ashtu u saktësua që pronarët mund të merrnin “deri 5% të shitjes së pasurisë”.

Veprimtaria në vitin 1980

Sipas raportit të datës 7.8.1980 të ministrit të Financave Qirjako Mihali, të ardhurat nga shoqëria në fjalë kishin ardhur duke u rritur. Për tre vitin ishin realizuar këto të ardhura:

-viti 1977: 795 mijë dollarë

-viti 1978: 815 mijë dollarë

-viti 1979: 1 milion e 100 mijë dollarë

-viti 1980 (parashikim): 1 milion e 300 mijë dollarë

Në trajtim ishin 1300 praktika (shumica në Greqi e Turqi), me një vlerë të përafërt 50 milionë dollarë. Këtë kohë, shoqëria kishte këto çështje:

1-Në SHBA. Ndiqeshin 202 praktika me rreth 3 milionë dollarë, ku do realizoheshin 500 mijë dollarë në vit. Gjykata e shteteve amerikane shënoheshin se kishin hapur probleme të shumta. Ndërhyrja në SHBA realizohej nëpërmjet qeverisë franceze, por edhe kjo kishte hequr dorë sepse nuk e shihte me fitim.

2-Në Australi. Në vitet 1978-1979 ishin realizuar 321 mijë sterlina (700 mijë dollarë). ishin në trajtim 41 praktika me vlerë rreth 500 mijë dollarë.

3-Në Egjipt. Kishte pasur probleme. në vëmendje ishte grabitja e pasurisë së familjes Qorraliu dhe dyqani i Papajt përkatësisht me vlerë 55 mijë dhe 40 mijë lira egjiptiane (rreth 133 mijë dollarë).

4-Në Itali. Gjendja nuk kish ndryshuar. Po merreshin masa për realizimin e 120 mijë dollarëve (vitet e mëparshme ishin kryer shumë shitje këtu). Po punohej me pronat e Xhemal Ferrës, Shefqet Vërlacit dhe Ismail Sefës.

5-Në Turqi. Këtu raportohej se për shkak të bankave, pasuritë ishin bllokuar. Vlera e tyre ishte rreth 2.8 milionë dollarë.

6-Në Jugosllavi. Ishin 28 praktika, por puna vazhdonte.

7-Në Greqi. Puna ishte pezulluar nga problemi i ligjit të luftës.

Duke ndjekur probleme pasurore si në Kanada, Argjentinë, Francë, Meksikë, ishin realizuar 110 mijë dollarë. po ashtu ishte punuar në RFGJ me të arratisurit.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Denoncimi i PD: Skandal tek kopshti ‘4 Stinët’ në Tiranë, bashkia fshehu rastin me COVID-19, prokuroria të hetojë

Politikë

Denoncimi i PD: Skandal tek kopshti ‘4 Stinët’ në Tiranë, bashkia fshehu rastin me COVID-19, prokuroria të hetojë

  Partia Demokratike i bëri thirrje prokurorisë që të hetojë në lidhje me rastin e mbylljes së kopshtit ‘4 Stinët’ në Tiranë, pas rasteve që u shfaqën me koronavirus. Në një dalje...

Nard Ndoka ironizon Ramën:Pse nuk bëhesh president i Flamurtarit

Politikë

Nard Ndoka ironizon Ramën:Pse nuk bëhesh president i Flamurtarit

Ish-deputeti i Partisë Demokratike, Nard Ndoka ka ironizuar me kryeministrin e Shqipërisë, Edi Rama, duke i thënë të bëhet president i Flamurtarit. Duke iu referuar deklaratës së kryetarit të PD, Lulzim...

Rakipi:Deklarata e Bashës, mjaft serioze! Rama kërkon garanci të mos marrë haraçin për gjithçka ka bërë!

Politikë

Rakipi:Deklarata e Bashës, mjaft serioze! Rama kërkon garanci të mos marrë haraçin për gjithçka ka bërë!

Gazetari Ylli Rakipi, ka qenë i ftuar në emisionin “Në fokus” në TV T, ku ka komentuar deklaratat e Lulzim Bashës, lidhur me një ofertë për pazar, që i ka...

Sondazh

Nothing found!

Sondazh

Nothing found!