Nga Kastriot Dervishi
Në ka gjë që nuk të diskutosh fare është ana profesionale e oficerëve të Sigurimit të Shtetit. ajo nuk ekziston. Lëre pastaj t’i analizosh gjuhën e shkruar, në të cilën spikat një analfabetizëm i pashembullt. Përcaktimin se çfarë janë ata, e ka bërë udhëheqësi komunist Enver Hoxha, modeli i frymëzimit të tyre. por unë sot po sjell një zbërthim që i ka bërë kësaj fjale, zëvendësministri i Punëve të Brendshme, Feçor Shehu në vitin 1972, i cili ndër të tjera deklaronte:
“Organet e Sigurimit të Shtetit janë organe politike dhe punonjësit e tyre, punëtorë politikë e asgjë tjetër, që zbatojnë me konsekuencë vijën e partisë në të gjitha shfaqjet e saj. Është kjo arsyeja që partia e ngre vazhdimisht me forcë nevojën e forcimit e të kalitjes së këtyre punonjësve me cilësitë dhe vetitë më të mira moralo-politike”.
