Nga Kastriot Dervishi
Vehbi Ismail Xhaferri, lindur në vitin 1948 në Shkodër, banues në rrugën “Enver Hoxha” e lagjen “Vasil Shanto” të këtij qyteti, punëtor në SMT, ishte arrestuar më 2.11.1979. Së bashku me Sali Malo Ashikun, u përfshi në një proces i akuzua për agjitacion e propagandë në bazë të nenit 55, në kombinim me nenin 13 të Kodit Penal. Gjykata e Rrethit Shkodër me vendimin nr.35, datë 19.2.1980 e dënoi me 6 vjet burgim. dëshirat për arratisje ishin vlerësuar si agjitacion e propagandë. Vehbiu u dërgua për të vuajtur dënimin në Repartin nr.303 Spaç. Më 21.5.1981, ora 4.10, duke punuar në minierë e zë një bllok minerali me peshë 1.5 ton dhe në moshën 33 vjeçare vdes. Plagoset edhe i dënuari Xhevat Sadikllari. Megjithëse kishin kaluar disa muaj, familjes nuk i tregonin mbi vdekjen e njeriut të tyre. Ngjarja ishte e majit, por deri në korrik familja nuk dinte gjë.
