Lista e dytë e atyre që u ekzekutuan për dinamitin në legatën sovjetike

E mërkurë, 24 February 2021 15:18
Fletëarresti për Sabiha Kasimatin Fletëarresti për Sabiha Kasimatin

Nga Kastriot Dervishi

Dega e 2-të e Drejtorisë së Sigurimit të Shtetit në MPB, e cila kishte si lëndë pune organizatat “tradhtare” të Ballit dhe Legalitetit, klerin, mbrojtjen e pushtetit dhe organizatave të masave, nga kartoteka e elementit kundërshtar, nxori një listë me 10 persona. 6 prej tyre u ekzekutuan.

U ekzekutuan me vdekje më 26.2.1951 nga lista nr.2:

1-Ali Qorraliu (1889), lindur në Tiranë, ish pronar tokash. Shënohej tendenca e arratisjes dhe ndihma dikur ndaj Ballin Kombëtar.

2-Zyhdi Herri (1921), lindur në Tiranë, nëpunës. Cilësohej përfaqësues i Legalitetit e për kontaktet me misionet anglo-amerikane.

3-Gafur Jegeni (1909), lindur në Dibër të Madhe, ish oficer, i papunë. Thuhej se përhapte lajme “armiqësore” si “altoparlant i armikut”.

4-Petro Konomi (1921), lindur në Egjipt, nëpunës, origjina nga Përmeti. Punonte në ATSH para arrestimit. Dikur në lidhje me misionin e UNRRA-s. Kontrolli postar kishte kapur disa letra që i vinin nga jashtë.

5-Jonuz Kaceli (1908), lindur në Tiranë, tregtar. Shënohej se e paraqiste gjendjen e brendshme alarmante, komentonte radiot e huaja për ndërhyrje nga jashtë dhe ishte “betuar i pushtetit dhe s’pajtohet në asnjë mënyrë me të”.

6-Sabiha Kasimati (1912), lindur në Ederne (Turqi), profesoreshë, studiuese. Akuzohej se urrente lëvizjen komuniste, se fliste kundër reformave e mbante kontakte me “elementë armiq të burgosur apo ekzekutuar” si: Selahudin Toto, Tika Tezha, Azis Vrioni, Riazi Vlora, Lake Vila, Myqerem Janina, Gjergj Ashta, Eqrem Çabej, Stanislav Zuber, Ludovik Petrasi, Luigj Benusi, Rakip Strazimiri, Zorika Mano, gruan e Xhelal Mitrovicës, etj.

Nuk u dënuan me vdekje nga lista nr.2, por u burgosën:

1-Abdurrahman (Man) Toptani (1916), lindur në Tiranë,  shtresë e pasur, kishte ndihmuar “me të gjitha forcat Ballin Kombëtar

2-Ali Murthi (1926), lindur në Tiranë, nëpunës, shtresë e pasur tregtare. Thuhej se mbante qëndrim armiqësor dhe komentonte vazhdimisht lajmet “reaksionare”.

3-Ibrahim Babamusta (1903), lindur në Kavajë e banues në Tiranë, profesor. Vihej në dukje se ishte “dojçkulturë” dhe se simpatizonte Mbretin Zog.

4-Aristidh Totozani (1889), lindur në Gjirokastër, avokat. Shënohej për fjalët: “Të bëhem njëherë komisar policie, pa të shohin këta”.

Modifikuar më E mërkurë, 24 February 2021 15:35
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...