Në mbledhjen e Sekretariatit të Komitetit Qendror të PPSH-së, më 9.2.1977 dolën edhe çështje të tjera për Rrethin e fierit. Midis tyre edhe ajo e përjashtimit të 3 grave komuniste, njëra prej të cilave kishte marrë më qafë edhe kryetarin e Frontit. Midis të tjerash, diskutuesi Hekuran Isai tha: Ollga si drejtoreshë e ndërmarrjes bujqësore frutore dhe si kryetare e komisionit të kontrollit e të revizionimit, mori pjesë në mbledhjen e byrosë së partisë të ndërmarrjes ku u vendos të përjashtoheshin nga partia 3 komuniste imorale e hajdute që kishin ngatërruar punët, deri sa për hir të njërës prej tyre, ishin marrë masa edhe ndaj kryetarit të Frontit të lagjes. Mirëpo, për këtë mbledhje byroje, njëra nga ato që do të përjashtohej nga partia për vjedhje plotësisht të argumentuar, u ngrit dhe akuzoi shoqen Ollga si të implikuar në vjedhje".